Athugið: Þessar síður fjalla um forsetakosningar 25. júní 2016.


Fréttir

Atkvæðagreiðsla utan kjörfundar flyst í Perluna 9. júní

8.6.2016

Utankjörfundaratkvæðagreiðsla vegna forsetakjörs sem fram fer 25. júní næstkomandi hófst við embætti sýslumannsins á höfuðborgarsvæðinu 30. apríl síðastliðinn. Frá og með 9. júní fer atkvæðagreiðslan eingöngu fram í Perlunni í Öskjuhlíð, Reykjavík.

Þar verður opið alla daga milli kl. 10 og 22. Þó verður lokað föstudaginn 17. júní.

Á kjördag, laugardaginn 25. júní, verður opið milli kl. 10 og 17 fyrir kjósendur sem eru á kjörskrá utan höfuðborgarsvæðisins.