Fréttir

248.502 kjósendur á kjörskrárstofni

16.10.2017

Á kjörskrárstofni, sem Þjóðskrá Íslands hefur unnið vegna alþingiskosninganna 28. október næstkomandi, eru kjósendur 248.502 talsins. Konur eru 124.669 en karlar 123.833.

Kjósendur með lögheimili erlendis eru samkvæmt kjörskrárstofni 13.461 eða 5,4% af heild.

Í tölfræðilegum gögnum Þjóðskrár Íslands eru einnig upplýsingar um fjölda kjósenda eftir kjördæmum og fleiri atriði.   

Vakin er athygli á því að um er að ræða upplýsingar úr kjörskrárstofni Þjóðskrár Íslands en ekki endanlega kjörskrá. Hagstofa Íslands gefur út endanlegar kosningaskýrslur og er þá tekið tillit til tölu látinna og þeirra sem fá íslenskt ríkisfang eftir að kjörskrárstofn var unninn, svo og breytinga sem verða á kjörskrá vegna leiðréttinga.