Athugið: Þessar síður fjalla um alþingiskosningarnar 27. apríl 2013.

Fréttir

Frestur til að fá skráðan listabókstaf rennur út klukkan 12 á hádegi 9. apríl

3.4.2013

Stjórnmálasamtök sem hafa ekki skráðan listabókstaf hjá innanríkisráðuneytinu, en hyggjast bjóða fram við alþingiskosningarnar, skulu tilkynna það ráðuneytinu eigi síðar en klukkan 12 á hádegi 9. apríl. Framboðsfrestur rennur út þremur sólarhringum síðar, 12. apríl kl. 12 á hádegi. Framboðum skal skila til hlutaðeigandi yfirkjörstjórna.

Landskjörstjórn auglýsir svo eigi síðar en 17. apríl fyrir hvaða stjórnmálasamtök framboðslistar eru bornir fram við alþingiskosningarnar 27. apríl og tilgreinir bókstaf hvers lista.